Целта на крвавиот напад на новогодишната ноќ во клубот во Истанбул беше да се „создаде хаос“, рече турскиот претседател Реџеп Таип Едроган.
„Тие се обидуваат да направат хаос, да се демоларизира нашиот народ и да се дестабилизира земјата со ужанси напади во кои мета се цивили. Ќе ги задржиме главите ладни, ќе бидеме сплотени и никогаш нема да се повлечеме пред таквите валкани игри“, изјави денеска Ердоган во соопштението за јавноста.
Тој додаде дека Турција ќе се бори до крај против сите облици на напади на терористичките групи и нивните приврзаници, откако наоружан напаѓач уби 39 лица во ноќниот клуб Реина во Истанбул.
„Како народ ќе се бориме до крај не само против терористите и силите кои стојат зад нив, туку и против економските, политичките и социјалните напади“, рече Ердоган.
По терористот кој облечен како Дедо Мраз го изведе синоќешниот напад се уште се трага, изјави министерот за внатрешни работи Сулејман Сојлу.
https://www.youtube.com/watch?v=alCc0HXo3t8
За нападот се уште никој не презеде одговорност
Меѓу досега идентификуваните 21 жртва, 16 се странски државјани, а пет Турци. Меѓу ранетите четворица се во сериозна состојба, изјави министерот за здравство.
Напаѓачот со автоматско оружје најпрво ги изрешетал насобраните луѓе пред влезот на клубот и тие што со автомобили поминувале низ улицата во истанбулската населба Ортакој, а потоа влегол во клубот и продолжил да пука на луѓето кои дошле да ја прослават Нова Година. Во тој момент во клубот биле меѓу 500- 600 лица. Некои од нив се спасувале скокајќи во Босфор.
За овој терористички напад се уште никој не ја презеде одговорноста.
Властите во Турција денеска соопштија и дека припадниците на антитерористичките единици во Анкара вчера уапсиле осум терористи на Исламската држава осомничени за планирање на терористички напади во текот на прославата на Нова Година.
https://www.youtube.com/watch?v=41YkWHz4tVk
Меркел и Оланд го осудија нападот
Германската канцеларка Ангела Меркел изрази денеска сочувство во врска со нападот за време на новогодишната прослава во ноќниот клуб во Истанбул, во кој беа убиени 39 и ранети 70 лица, нагласувајќи дека „терористите извршиле нехуман и извитоперен напад врз луѓе, кои заедно сакале да ја прослават Новата година“.
– Моите мисли денеска се со жртвите, нивните семејства и пријатели – рече Меркел.
Министерот за надворешни работи на Германија Франк Валтер Штајнмаер исто така упати сочувство до оние кои ги загубиле своите блиски.
Тој осудувајќи го овој „суров и кукавички напад“ нагласи дека неговата земја „стои до Турција во овие тешки мигови“.
Претседателот на Франција, Франсоа Оланд упати порака со солидарност до народот на Турција по нападот, соопшти Елисејската палата.
– Претседателот на републиката остро го осудува терористичкиот напад, во кој загинаа најмалку 39 лица за време на новогодишната забава во истанбулската дискотека – се вели во соопштението.