Европската унија ќе ги трпи последиците од нејзиниот недостиг на единство во однос на Западен Балкан, изјави Алекс Ципрас, поранешен грчки премиер и лидер на левичарската партија Сириза, пренесува „Еурактив“.
Според него, неуспехoт на ЕУ да им одобри на Албанија и на Македонија отворање формални преговори , е уште еден пример за неспособноста на Европската унија како целина да носи колективни одлуки со стратешки фокус.
– И мислам дека ЕУ веќе плати и ќе плаќа за тоа во иднина. Северна Македонија е кандидат веќе 17 години, а Албанија е со таков статус од пред осум години. Одлуката на Самитот на ЕУ ја потврдува несигурноста на Европа кон оние земји кои направија многу важни чекори, а перспективата за датум за пристапни преговори постојано се одложува. Европа не треба да дава ветувања ако не може да ги исполни, вели Ципрас.
Софија сега ќе го укине ветото доколку се исполнат одредени услови, вели Ципрас, но, мора да се земат предвид и условите што ги има Скопје.
„Се прашувам какво ќе биде мислењето денес во Украина откако таа го доби овој брз кандидатски статус за ЕУ. И што може да значи тоа кога ќе видат дека овој режим не значи ништо и д го коментираше повеќекратниот неуспех на ЕУ да им одобри на Албанија и Македонија отворање формални преговори, како и континуираниот никаков напредок во однос на визната либерализација на Косово.ека Украина може да остане во фазата на кандидатски статус многу, многу години“, рече тој, повторувајќи ги коментарите на албанскиот премиер Еди Рама, кој рече дека Украина не треба да се надева во скоро време.
Во врска со специфичната положба на Македонија, Ципрас рече дека Договорот од Преспа со кој земјата го смени името „не бил залуден“. Скопје изрази загриженост дека веќе го сменило името и ако попушти на барањата на Софија во однос на јазикот и историјата, може да биде принудено да направи уште повеќе отстапки во иднина.
„Тоа е договор што го врати Западен Балкан на патот на стабилност, а нашиот регион во перспектива на мир и соработка далеку од влијанијата на третите сили во регионот, како Турција и Русија, кои имаа големо влијание во регионот“, заклучи Ципрас во разговорот за „Еурактив“.