Евротинк – Центарот за европски стратегии, денеска во Скопје, одржа форум во рамките на проектот ,,Медиумите за ЕУ”. ,,Зелена агенда – заштита на потрошувачите и јавното здравје” и ,,јавноста, улогата на цивилниот сектор и медиумите” беа двете теми кои беа опфатени на форумот.
На првиот дел од форумот се дискутираше за поглавје 27. и 28. од пристапните преговори за членство во ЕУ. Можности и предизвици на Северна Македонија при адаптација на домицилното законодавство кон критериумите на ЕУ. За оваа тема предавач беше Ана Крстиновска од Естима.
На вториот дел од форумот зборуваше експертот Ибрахим Мехмети за улогата на медиумите во областа на заштита на потрошувачите и јавното здравје.
Тематскиот форум продолжува и утре со истите говорници на теми: Проблеми на Северна Македонија при спроведувањето на Зелената агенда и како медиумите, новинарите, да го привлечат интересот на јавноста за јавното здравје и за заштита на потрошувачите.
Оваа серија на тематски форуми се организира во сите осум плански региони врзани за работата не медиумите и за Евроинтегративните процеси на Република Северна Македонија, а со посебен осврт на преговарачките поглавја, посебно за општествените теми кои се приоритетни за секој соодветен плански регион и за тоа како тие се презентираат на пошироката публика.
Во рамките на проектот, предвидена е и грантова шема за НВО кои со пратнер медиум би можеле да станат дел од овој проект.