Бугарката Кристалина Георгиева (65) ја доби поддршката од Владите на земјите членки на Европската унија (ЕУ) да биде заеднички кандидат за шеф на Меѓународниот монетарен фонд (ММФ). Во вториот круг на гласање на што му претходеше 12 часовна дебата, таа го победи Холанѓанецот Јерун Дајселблум, откако гувернерот на Централната банка на Финска, Оли Рен и шпанската министерка за економија, Надиа Калвино се повлекоа пред првото изјаснување.
Георгиева е извршен директорка на Светската банка, а агенцијата „Ројтерс“ забележува дека нејзината кандидатура ќе значи потреба од менување на правилото на ММФ што наложува „директорот да има помалку од 65 години“.
Против планот за избор на кандидат за директор на ММФ се изјасни Велика Британија, со образложение дека е „прерано“ и дека официјален Лондон немал доволно време да истакне свој фаворит, е наведено во еден доверлив документ што „Ројтерс“ го имал на увид.
Рокот за пријавување на кандидати за прв човек на ММФ е до 6 септември. На највисоката функција во глобалниот кредитор со седиште во Вашингтон по традиција беше Европјанин. Заинтереситаните, пак, од другите делови на светот можеа да стекнат предност за позицијата само во случај на расцепканост на стариот континент при изборот на адут.
Земјите од Северна Европа, на пример, го преферираа Дајселблум, а од југот и истокот на континентот се протежираа Георгиева, порача неименуван европски претставник. ж
За победник во изборот се смета кандидатот кој ќе добие 55 отсто гласови на Владите на 28 земји членки на ЕУ кои заедно имаат удел од најмалку 65 отсто во нејзината вкупна популација.
Меѓународниот монетарен фонд е без шеф од минатиот месец по оставката на Французинката Кристин Лагард која беше избор на лидери на ЕУ за наследник на Италијанецот Марио Драги во претседателската фотелја во Европската Централна банка.