Панатинаикос го совлада Макаби Тел Авив во еден од дерби мечевите во кошаркарската Евролига вечерва. Победникот во Атина беше познат по продолженијата по кои „зелените“ славеа со 83:75 по нерешените 67:67 во основните 40 минути. Домашните во еден дел од третиот период имаа и плус 16, но израелскиот состав се разбуди преку Гудлок и Вимс се доведе и во ситуација да слави. Екстра баскет за Пао, сепак, обезбеди Џејмс Гист на десет секунди до крајот за подоцна да осигура четврта победа во сезоната. Синглтон со 26 поени беше најефикасен на средбата, Сони Вимс ја предводеше „гордоста на Израел“ со 15 коша.
Армани ја проби границата од 100 поени во натпреварот на домашен терен со Анадолу Ефес. Екипата од Милано триумфира со 105:92 на крилјата на Сандерс кој постигна 22 поена и Џентиле со 17. Барселона во „Блауграна“ го победи Жалгирис со 92:86, Дарушафака беше подобра од Бросе Бамберг со 72:70, а предноста на домашниот терен ја искористи и Уникс чии кошаркари во Казан ја совладаа Црвена звезда со 65:62.
Евролига
Резултати, 6. коло
Барселона – Жалгирис 92:86
Армани Милано – Анадолу Ефес 105:92
Панатинаикос – Макаби Тел Авив 83:75 (по продолженија)
Дарушафака – Брсе Бамберг 72:70
Уникс Казан – Црвен звезда 65:62