НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Европски суд за човекови права: Љубе Бошкоски немал правично судење

0
By Нова ТВ on June 4, 2020 ВЕСТИ
СПОДЕЛИ
Facebook Twitter LinkedIn Email

Европскиот суд за човекови права денеска пресуди дека на поранешниот министер за внатрешни работи Љубе Бошкоски му биле прекршени правата на фер судење, да повика и да испитува сведоци во текот на судскиот процес против него, по обвинувањето за нелегално финансирање на неговата партија „Обединети за Македонија“ за време на изборите во 2011 година.

Како што јави дописникот на МИА, Судот во однос на тужбата на Бошкоски против Република Северна Македонија констатира дека во текот на целото судење имало „недостиг на правичност“ согласно Европската конвенција за човекови права, поради што пресуди да му бидат исплатени 4.500 евра за нематеријална штета и 1.220 евра за трошоци и расходи.

Бошкоски во тужбата навел дека со посебните процедури за сослушување на заштитениот сведок биле нарушени правата на неговата одбрана и дека одржувањето на три рочишта зад затворени врати претставува повреда на право за одржување на јавна расправа.

Во пресудата на Судот за човекови права со седиште во Стразбур се посочува дека против Бошкоски беше покрената постапка за „наводна злоупотреба на службената должност и незаконско финансирање на изборна кампања во 2011 година“, под сомнеж дека примил 130.000 евра од еден пријател за финансирање на неговата партија, поради што беше уапсен на 6 јуни во 2011 година, еден ден по парламентарните избори и беше задржан во притвор сè до крајот на судењето.

Судот посочува дека истражен судија решил да му додели статус на заштитен сведок на пријател на Бошкоски, „водејќи сметка за стравувањата што тој ги изразил во врска со неговата безбедност и безбедноста на неговото семејство и природата и сериозноста на наводните престапи“. Поради тоа, додава Судот, биле направени посебни прилагодувања за да може да се сослуша сведокот преку систем за видео пренесување, при што неговиот глас беше мутиран, а лицето замаглено.

„Специјалните процедури беа задржани и во текот на судењето, а судијата од Основниот суд сметаше дека се уште постојат закани за сведокот. Судијата од првостепениот суд нареди три рочишта да се одржат зад затворени врати, за време на кои требаше да се сослуша заштитениот сведок и да се прегледаат аудио и видео снимки, како дел од тајното следење на средбите меѓу жалителот и сведокот“, се наведува во пресудата на Европскиот суд за човекови права.

Трибуналот од Стразбур посочува дека во 2011 година, судијата од Основниот суд го прогласи Бошкоски за виновен по обвиненијата и му изрече казна затвор во траење од седум години, засновајќи ја својата одлука врз изјавата на заштитениот сведок и на мислењата на повеќе експерти, на фотографии од конфискуваните пари и на аудио и видео записи што биле презентирани во предметот.

„За време на судењето во прв степен на апелација, жалителот го оспори решението на судијата да му додели на сведокот статус на заштитен сведок, тврдејќи дека таквата мерка е непотребна, бидејќи тој и сведокот биле пријатели и никогаш не му се заканил. Тој, исто така, се жалел и на тоа што одредени сослушувања се одржале зад затворени врати. Апелацискиот суд  ја прифати делумно жалбата на жалителот и ја намали казната на пет години затвор, потврдувајќи ја пресудата на првостепениот суд“, посочува Европскиот суд.

Во пресудата се додава и дека во 2013 година, Врховниот суд на земјава ги потврди пресудите на пониските судови, заклучувајќи дека сите докази против Бошкоски биле собрани законски.

„Поточно, било утврдено дека заштитениот сведок бил сослушан во согласност со законот и дека употребата на систем за пренесување на видео за време на неговото сослушување е практика што ја користеле и другите држави“, се наведува во образложението на пресудата на Европскиот суд за човекови права со која се потврдува дека Бошкоски немал правично судење во земјава.

Европски суд за човекови права Љубе Бошковски Македонија пресуда
Share. Facebook Twitter LinkedIn Email
ТИКЕР

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025

Во Албанија откриена прва статуа на Исус Христос во стилот на бразилската скулптура

August 21, 2025

Анкета на Ројтерс/Ипсос: Повеќето Американци веруваат дека сите членки на ОН треба да ја признаат Палестина

August 21, 2025

Малолетници фрлиле камења врз автобус со српски туристи во близина на Солун, повредени три лица

August 21, 2025
ФОКУС

Нетанјаху: Израел ќе ја освои Газа без разлика дали Хамас ќе ги ослободи заложниците

ВЕСТИ August 21, 2025

Израелскиот премиер Бенјамин Нетанјаху изјави дека Израел ќе продолжи со плановите за воена акција и…

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Најмалку 21 лице загина чекајќи хуманитарна помош во Газа

August 17, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.