Пишува: Борјан Јовановски
Иратсе Гарсија, шеф на пратеничката група на социјалистите и социјалдемократите во Европскиот парламент ги повика прогресивците од двете страни на Атлантикот да се обединат за да се борат против она што таа го нарекува „ултраконзервативен популистички нанос“ меѓу традиционално десничарските групи: републиканците во САД, под водство на Доналд Трамп и Европската народна партија во Европа, за која рече дека флертува со крајната десница под водство на Манфред Вебер.
ЕПП, рече Гарсија, се повеќе се изместува од традиционалниот курс и тие во пристапите се поблиску до екстремната десница , на пример за миграцијата, со повиците за ѕидови, што е практично ист јазик“ како оној на Трамп. Според Гарсија , Републиканците го користат прашањето на мигрантите за да се мобилизираат гласовите во САД.
Иратес Гарсија во Вашингтон се сретна со Ненси Пелоси и други високи преставници на Демократската партија. Во изјава за Полтико , лидерот на социјалистите и демократите ја означи својата партија како природен сојузник на американскиот претседател Џо Бајден. „Со администрацијата на Бајден споделуваме заедничка агенда за сите овие прашања“, од „одбрана на Украина“, до „работнички права“, зајакнување на „зелената индустрија“ и бранење на социјалните слободи, рече таа.
Она што се случи во изминатите неколку години во САД треба да послужи како предупредување за тоа каде може да доведе „односот на ултра-конзервативците“ во Европа, рече Гарсија: губење на тешко стекнатите слободи, „демонтирање“. на правата на жените, ЛГБТИ+ и абортусот. Постои заедничка загриженост и затоа треба да ги зајакнеме трансатлантските сојузи со прогресивен поглед и перспектива, изјави Гарсија по средбата со Пелоси.
Зборувајќи за перспективите на социјалистите и демократите Гарсија изјави дека економиите во САД и ЕУ треба да бидат силни и да одговорат на сè што има врска со отворањето работни места и правата на работниците, “бидејќи во спротивно, тоа станува плодна почва за популистите и екстремната десница, која може да најде простор во кој ќе ја зголеми својата позиција“, рече Гарсија.
.