Агенцијата посочува дека пациентите што се предозирале со ивермектин може да доживеат гадење, повраќање, дијареа, низок крвен притисок, алергиски реакции, вртоглавица, проблеми со рамнотежата, напади, кома, па дури и смрт.
„Вие не сте коњ. Не сте крава. Сериозно, сите. Престанете“, порача во саботата ФДА од својот официјален твитер-профил, со детално објаснување зошто лекот може да биде опасен за луѓето.
„Овие лекови за животни често се висококонцентрирани, бидејќи се користат за големи животни како коњи и крави, кои може да тежат многу повеќе од луѓето. Таквите големи дози може да бидат многу токсични за луѓето“, се вели во соопштението на ФДА.
Агенцијата посочува дека пациентите што се предозирале со ивермектин може да доживеат гадење, повраќање, дијареа, низок крвен притисок, алергиски реакции, вртоглавица, проблеми со рамнотежата, напади, кома, па дури и смрт.
Предупредувањето следи откако Министерството за здравство на Мисисипи објави сличен извшетај за зголемен број на лица кои користат „ивермектин“ со цел да не се разболат од ковид-19. Од вкупната бројка на лица кои го земале овој лек, 85 отсто се јавиле в болница поради благи симптоми: црвенило, гадење, болки во стомакот, а меѓу симптомите се и невролошки проблеми и жолтица.