Пад за три места бележи Македонија на новата ранг листа на Светската фудбалска асоцијација (ФИФА). Националниот тим ќе биде 136. на планетата за јуни месец во кој го очекуваат и две обврски на „Телеком арена“ во Скопје. Првата е пријателска против Турција во понеделник, а на 11 и против Шпанија во квалификациите за СП 2018.
На врвот на листата без никакви промени во однос на претходното рангирање. Бразил е лидер пред Аргентина и Германија. Во топ 10 се и Чиле, Колумбија, Франција, Белгија, Португалија, Швајцарија и „црвената фурија“ и Полска на делба на дееттото место. Веднаш зад нив (12) е Италија.
Израел е селекцијата со најголем напредок во групата за мундијалот во Русија во која играат и „црвено-жолтите“. Израелците скокнаа за осум места и сега се 55., Албанија останаа на 66 позиција, а Лихтенштајн исчекори за две места до 145.