По поразите од Израел и Италија во квалификациите за СП 2018, А селекцијата падна за девет позиции на ранг листата за октомври
Македонија бележи нов пад на ранг листата на ФИФА. Светската фудбалска асоцијација денеска го објави рангирањето за октомври на кое националниот тим се најде на 155 место или за девет послабо од септември или, гледано севкупно од осамостојувањето, најслабо досега.
Назадувањето се должи на поразите од Израел и од Италија во квалификациите за СП 2018 во Русија и нема да запре тука имајќи во предвид дека „црвено-жолтите“ во ноември ги очекува гостување во Шпанија. Македонската селекција има 167 бода, само два повеќе од Мјанмар, четири од Барбадос и шест од Малдивите.
Пред неа се состави како Гренада, Сао Томе и Принципе, Маурициус, Либан, Судан, Авганистан, Коморите, итн.