Новиот финансиски директор на „Модерна“ за првпат дојде на новото работно место во понеделникот, а следниот ден му беше кажано дека повеќе не мора да доаѓа. Она што е уште поинтересно е што тој работен ден ќе си го наплати 700.000 долари.
Причината поради која Хорхе Гомез толку брзо го напушти производителот на вакцини против Ковид-19 е во неговата поранешна компанија. Отказот дојде кога се дозна дека производителот на стоматолошка опрема, „Дентсплај Сирона“, поранешен работодавач на Гомез, започнал внатрешна истрага, во која е вклучен и Гомез, во врска со протекување на финансиски податоци.
„Одборот за ревизија исто така ги истражува наводите дека одредени поранешни и сегашни членови на повисокото раководство манипулирале со финансиски податоци за да се наградат извршните директори во 2021 година“, напиша „Дентсплај Сирона“ во барањето за истрага.
Иако е под истрага, Гомез ќе си ја добие 12-месечна плата од 700.000 долари од „Модерна“, но нема да добие бонус од 500.000 долари за тоа што преминал во нивната компанија, надоместување на трошоците за преселба или парична награда за нов ангажман, соопшти „Модерна“.