Над илјада демонстранти се собраа во Форт Лодердејл, на Флорида, барајќи строга контрола за вооружувањето, по масакрот пред неколку дена во средното училиште во Флорида, кое се смета за најсмртоносното во историјата на САД.
-Прекинете ги насилствата со огнено оружје, извикуваа демонстрантите.
На протестот присуствуваа локални лидери, законодавци и јавни личности кои порачаа дека итно е потребно да се заостри законот за поседување на оружје.
-Конгресот не работи за нас. На оваа земја и е потребна реформа во законот за огнено оружје, но за тоа не се разговара. Сакаат да разговараат за менталното здравје, или за злоставување, но за дебатата за оружје секогаш велат дека не е дојдено време, рече една од учесниците во демонстрациите.
Управникот на училиштето во округот Брауард, Роберт Рански на „Твитер“ напиша дека масовното убиство на Флорида, би можело конечно да покрене регулација во законот за поседувањето на огнено оружје.
Во средно училиште во Флорида, во средата, 19 годишниот Николас Круз кој бил поранешен ученик на училиштето, со пушка „Р-15“ уби 17, а рани 15 лица во училишната зграда.
Убиецот легално го купил оружјето. Федералното истражно биро вчера призна дека имале дојава уште од претходно дека Круз е „подготвен да убива“, но не презеле ништо. Поради тоа гувернерот на Флорида побара одговорност. Во меѓувреме, и локална расистичка организација, соопшти дека Круз бил дел од нивната мрежа на бели супремисти.