Новоизградениот замок Бел Аир во Колингтон – Мерилден е ставен на продажба за цена од 250 милиони долари, со што е најскап имот досега кој е огласен на продажба на американскиот пазар.
Инвеститор на екстравагантната палата е BAM Luxury Development group, кој резиденцијата ја опремил според сите стандарди за живот на „висока нога“.
Луксузниот комплекс има 38.000 метри квадратни со 12 спални, 21 бањи, пет барови и три кујни, куглана и 85 квадрати стаклен базен со хидрауличен филмски екран.
Ако ова не е доволно за да се привлече вниманието на некој мултимилионерски купувач, тогаш на списокот се додава и спа и фитнес центар, две визби со милионска колекција на вина и кино во стилот Џемс Бонд со 40 седишта.
Во цената вклучени се и повеќе од 100 уметнички слики и скулптури, вредни неколку милиони долари.
На кровот има хелиодром со хеликоптер кој бил дел од телевизиската серија од 80-те Аирволф, кој иако не е во функција, е дел од имотот како уметничко дело кое се вклопува во целиот амбиент.
На секоја убава куќа секако и е потребна и гаража, па така таму има и галерија за 12 автомобили во која се вклучени „Бугати“, „Пагани Хуајра“ и „Ролј Ројс“, како и други ретки коли, што нема да разочараат.
Агентот за продажба вели дека автомобилската колекција е вредна повеќе од 30 милиони долари.
Според Брус Маковски, сопственикот на BAM Luxury Development group, замокот е граден четири години и е дизајниран за да ги задоволи вкусовите на неколку милијардери.
Ако успее да се продаде за 250 милиони евра тогаш ќе постигне цена поголема за 100 милиони долари од луксузниот замок со 32 спални соби во Суџоу, Кина, кој важеше за најскап имот во Кина во 2016 година. Најскапата куќа која претходно беше понудена на продажба во САД беше во Беверли Хилс која се нудеше за цена од 195 милиони долари.
