„Балканска приказна“ која со својата прва епизода е најгледана ТВ серија во Турција, а истата се снима во Скопје, привлече големо внимание не само со својата импресивна и забавна приказна, туку и со одличните изведби на главната актерска екипа и популарните примери на балканска музика кои совршено се вклопија во сцените и приказната. Во втората епизода од серијата ќе следат смешни и забавни сцени, како и неочекувани изненадувања што ќе ја разбудат љубопитноста кај гледачите.
Во ТВ серијата, еден од главните улоги Хакан Бојав, кого го гледаме како сопруг на тешката, доминантна Елена (Сузан Акбелге), сочувствителен сопруг и добродушен татко Даниел, за серијата Балканска приказна вели „Сакам да играм различни улоги. Со оваа улога влегувам во сосема поинаков свет. Заедно со Балканска приказна запловивме во нови води. Се надевам дека приказната ќе им се допадне на гледачите“.
Хакан Бојав изјави дека Даниел, кој е љубител на антиквитети, сонувач, уметничка душа, не пропушта аукции и сака стари отомански артефакти, е хуманист и оптимист, но пред се, лик кој многу ги сака сопругата и децата. Тој за публиката во Скопје вели:
„Всушност, мислам дека секој лик во серијата е интересен. Даниел е еден од нив. Нашата серија е балканска љубовна приказна во која главните улоги ги толкуваат Ердал Озјаџилар, Озлем Туркад, Емре Беј и Мерих Озтурк, а нивната приказна ќе се обидеме да ја збогатиме со различни улоги.
Наведувајќи дека за прв пат дошол во Македонија и во Скопје, Бојав додава дека запознавањето со начинот на живот овде на Балканот и запознавање со луѓето од Македонија за него причинуваат особено пријатно искуство додека работи на серијата Балканска приказна, токму овде во Скопје. За Бојав најтешка тема е дијалектот на којшто треба да глуми.
„Најголем предизвик во серијата ми е турскиот дијалект во Скопје. Мојот дијалект е многу добар, но сепак, морам да истакнам дека дијалектот на којшто зборуваат Турците во Скопје е тежок. Работиме напорно. Како актер, ми се допаѓа и тоа што улогата ме предизвикува“, рече Хакан Бојав, еден од главните улоги којшто во Балканска приказна го глуми Даниел, таткото на Јованка.