Летните Олимписки игри кои се одржуваат годинава во Рио де Жанеиро во Бразил, веќе започнаа, два дена пред официјалното отворање закажано за 5.август а ќе траат до 21ви.
Годинава се натпреваруваат рекорден број земји кои ќе испратат 11.000 спортисти, а за прв пат ќе биде подигнато знамето на Косово како и на Јужен Судан. Рио 2016 вклучува 28 олимписки спортови, кои ќе се одвиваат на 33 спортски терени во Рио, 5 во Сао Паоло, Бело Хоризонте, Салвадор, Манус и Бразилија.
Голфот и рагбито ќе бидат “новите“ спортски дисциплини на Олимписките игри, за кои пуштени во продажба се 7,8 милиони карти, а до сега нешто над 1 милион остануваат непродадени.
Официјалната маскота на ЛОИ е животното Винициус, кое претставува спој на мачка, птица и мајмун.
Сепак самиот старт поминува со низа контроверзности, со нетабилност во Владата, со предупредувања по здравјето од вирусот „зика“ како и со забрана за руските атлетичари.
Македонското знаме веќе е развиорено во Рио а на церемонијата пред почетокот присуствуваа шефот на делегацијата, спортскиот директор на Македонскиот олимписки комитет (МОК), Владимир Богоевски, генералниот секретар на Македонскиот олимписки комитет, Сашо Поповски, амбасадорот на Македонија во Бразил, Ивица Боцевски и знаменосецот на церемонијата на свеченото отворање на Игрите, пливачката Анастасија Богдановски.
Преостанатиот дел од македонската олимписка селекција (спортисти и тренери) доцна синоќа, од Истанбул преку Сао Паоло, требаше да пристигне во Рио де Жанеиро. Свеченото отворање на Летни олимписки игри е утре, на стадионот „Маракана“.
