Финалето од фудбалската Лига на шампиони во саботата вечерта почна со големо задоцнување поради хаосот пред влезовите на стадионот „Сен Дени“, каде што беа навивачите на Ливерпул и влегоа во конфликт со полицијата, која не ги пушташе да влезат без билети.
Фановите на Црвените ја обвинија УЕФА за лоша организација, а според француското Министерство за внатрешни работи, виновни се англиските навивачи кои имале лажни билети или воопшто немале билети.
Француската полиција беше критикувана поради тоа што фрли солзавец кон некои навивачи на Ливерпул додека чекаа да влезат на стадионот.
Полицијата, исто така, беше обвинета за неорганизираност во справувањето со големите толпи луѓе кои се обидуваа да пристапат до Стад де Франс. Финалето беше одложено за 35 минути поради неволјата надвор од стадионот, а Ливерпул го загуби мечот против Реал Мадрид со 1-0.
На телевизиската снимка од саботата се гледаат млади мажи кои не се облечени во црвени дресови на Ливерпул, скокаат низ портите на стадионот, а потоа бегаат од обезбедувањето. Навивачите на Ливерпул зборуваа дека се создаваат долги редици неколку часа пред почетокот на натпреварот.