Фронт за демократска Македонија (ФРOДEМ), реагира на информациите во јавноста за наводно пазарење на владејачката партија ВМРО-ДПМНЕ. Од ФРОДЕМ сметаат дека „вештачкото форсирање“ победнички дух и глумењето непопустливост е во функција на пазарот за личен спас на членовите на владејачката партија.
„Падна маските на лажните моралисти и квази патриоти. Патриоти за преполн сопствен џеб. На членството и на целата домашна и меѓународна јавност секој ден им станува се појасно како големите патриоти демохристијани се богателе во име на народот и од народните пари.
Веќе не помагаат тајните и јавните контроли на лојалноста, ниту суптилните или јавни закани од причина што на сите им станува јасно дека неможе да се брани неодбранливото и криминалот. Криминализираната партиската вршушка станува се понервозна поради стравот некој од ,,кругот“ да не пропее пред СЈО, иако некои одамна ја имааат ,,испеано“ својата песна.
На партиските прислушници кои свесно или несвесно се влезени во криминалниот лавиринт секојдневно животот им станува пекол. Колку побрзо соберат храброст и излезат од тој лавиринт и се соочат со правдата, толку подобро за нив.
Борбата која ја води ФРОДЕМ е борба за доброто на народот, борба за слобода, демократија и достоинство и борба за почитувана држава во вистинска смисла на зборот. Тоа е битка за враќање на партијата на членството, а државата на народот.
Toa e битка за демократска консолидација. Република Македонија и ВМРО-ДПМНЕ не смеат и понатаму да останат заложници на болните и непромислени авантури на алчните и лажни патриоти. Патиштата за остварување на овие заложби се различни, но една е целта: Слободна и праведна Македонија ослободена од криминалните структури, партиски профитери и лицемери“ се вели во соопштението.