Еден од најголемите производители на чоколади во светот е новиот спонзор на англиската Премиерлига од сезоната 2017/18. „Кадбјури“ од Бирмингам и Фудбалската асоцијација (ФА) на Англија потпишаа договор на три години за натпреварувањето што се присутно во 212 земји за аудиториум од 4,7 милијарди луѓе.
Премиерлигата е основана во 1992 година. Од 1993 година до лани ги продаваше правата на име на две компании. До 2001 година го носеше називот „ФА Карлинг Премиерлига“ по пиварница по што спонзор стана „Барклејс банка“. Првите три години се нарекуваше „Барклејскард Премиерлига“ по еден од производите на банката за потоа да биде преименувана во „Барклејс Премиерлига“.
Договорот истече на крајот на сезоната 2015/16. Од англиската ФА тогаш порачаа дека нема да се потпишуваат нови спонзорски договори за Премиерлигата бидејќи како што образложија „сакаа да изградат чист бренд за натпреварување по примерот на американската спортска лига.
Една година подоцна, сепак, го променија мислењето и договорија нова зделка и според „Кедбјури“ ќе се викаат и наградите „Златна топка“ за најдобар стрелец и „Златна ракавица“ за голман со најмногу мечеви без примен гол во Премиерлигата.
Финансиските детаљи од договорот на ФА со „Кедбјури“ за правото на користење на името на лигата се непознати. Последниот спонзор на Премиерлигата плаќаше 40 милиони фунти по сезона.