Манчестер јунајтед остана неказнет за промашувањата во Виго. „Црвените ѓаволи“ ја победија Селта со 1:0 во првиот полуфинален меч во Лига Европа за огромен исчекор кон финалето во Стокхолм. Единствениот погодок на „Балаидос“ беше дело на Маркус Рашфорд од слободен удар во 67 минута.
Премиерлигашот не беше без шанси и за поубедлив триумф на гостувањето во Шпанија и за формален реванш на „Олд трафорд“ наредниот четврток. Ги имаше неколку во првото полувреме, слободно може да се каже, зицери преку Рашфорд, Мкитарјан и Лингард во 39 минута, но англискиот претставник, сепак, го кршеше отпорот на домашните повеќе од еден час.
Најголеми заслуги што Селта претрпе само минимален пораз ги има голманот Серхио Алварез кои одржа какви-такви шанси за својата екипа. Меѓутоа тимот од Виго кој оваа сезона ги освои симпатиите со брзиот и едноставен фудбал, вечерва беше не беше на ниво од претходните изданија и заслужено го положи оружјето пред своите навивачи.