Вардар е вечерва ќе полага нов групен испит во фудбалската Лига Европа. „Црвено-црните“ се гости на норвешкиот север кај екипата на Розенборг во рамки на второто коло во групата Л. Натпреварот на „Леркендал“ арена, лански домаќин на УЕФА Суперкупот, е со почеток во 19 часот.
Розенборг, како и Вардар, стартуваше со пораз во натпреварувањето. Но, за разлика од Вардар е со неспоредливо поголемо меѓународно искуство. Македoнскиот шампион понесе респект од Скопје за својот денешен домаќин, но и самопочит дека може да одигра добар меч. Ако тоа биде доволно за бод, ќе претставува полн погодок, трите би биле џек-пот иако признаваат дека таквата мисија ќе биде тешка.
„Розенборг е добар како колектив. Поединечно не можам да издвојам никој. Најпознат нивни фудбалер е Никлас Бендтнер кој има играно за голем број квалитетни клубови во кариерата и има многу вакви мечеви во нозе. Имаат и одличен среден ред, исто така. Дека ќе победиме не би можел да кажам, но сигурно дека дојдовме да се надигруваме и се надевам на позитивен резултат. И тие и ние посакуваме бодови по поразите во првото коло“, изјави Чедомир Јаневски.
Во вториот натпревар од групата, Зенит во Санкт Петербург го пречекува Реал Сосиедад.
Лига Европа, 2 коло
Астана – Славија Прага (17 ч.)
Зенит – Реал Сосиедад (19 ч.)
Розенборг – Вардар
Ница – Витесе
Лацио – Зулте Варегем
Естерсундс – Херта
Атлетик Билбао – Зорја Луханск
Конјаспор – Виторија Сетубал
Салцбург – Олимпик Марсеј
БАТЕ Борисов – Арсенал
Келн – Црвена звезда
Лугано – ФЦС Букурешт
Викторија Плзен – Хапоел Бер Шева
Шериф Тираспол – Копенхаген (21,05 ч.)
Локомотив Москва – Жлин
Евертон – Аполон
Олимпик Лион – Аталанта
Милан – Риека
АЕК – Австрија Виена
Брага – Истанбул Башакшехир
Лудогорец – Хофенхајм
Скендербег – Јанг Бојс
Партизан – Динамо Киев
Макаби Тел Авив – Вилјареал