Шкендија продолжува со „тероризирање“ на ривалите во прволигашката конкуренција. Тетовци го покорија и Пелистер среде Битола со 3:1 во деветтото коло од домашниот шампионат и дополнително се издвоија на врвот на табелата во однос Академија Пандев на второто место и Вардар на третото кој патем има и три меча помалку.

Ферхан Хасани во четвртата минута и во 39. и Стенио Жуниор во 74. го комлетираа осмиот првенствен триумф на „црвено-црните“, почесниот за битолските „зелени“ беше дело на Матеј Цветаноски во 75 минута.

Работнички го одигра и второто реми без голови под водство на Горан Станковски на клупата. По мечот со Силекс на „Телеком арена“, тимот од Градски парк одигра о:0 и на гостувањето кај Скопје. Мрежите мируваа и во Тетово во натпреварот меѓу Ренова и Победа.

Единствената победа на домашните екипи ја забележа Силекс против Академија Пандев со 1:0. Решавачки за трите бода за кратовци се покажа погодокот на Антонио Бујчевски уште од деветтата минута.

Деветтата рунда ќе биде комплетирана утре попладне со дуелот меѓу Вардар и Шкупи. Веќе наредното коло, по паузата за репрезентативни настапи, го носи вториот сезонски судир меѓу скопските и тетовските „црвено-црни“.

Прва лига, 9 коло

Пелистер – Шкендија 1:3

Силекс – Академија Пандев 1:0

Скопје – Рабонички 0:0

Ренова – Победа 0:0

Недела

Вардар – Шкупи

Табела: Шкендија 25, Академија Пандев 14 (-1), Вардар 13 (-3), Силекс 13, Шкупи 12 (-1), Пелистер 9, Победа 9, Работнички 7 (-1), Ренова 7, Скопје 4.