Published: Wednesday, July 6, 2022 20:16
Околу 19:30 часот насобраните демонстранти пред Владата се упатија кон Министерството за надворешни работи (МНР). На раскрсницата, откако го минаа мостот „Гоце Делчев” и подземниот премин кај поранешната стоковна куќа „26 јули“, во моментите кога вртеа кон МНР, наидоа на група од 20-тина момчиња кои од правец на старата скопска чаршија почнаа да фрлаат со тврди предмети, камења и шишиња кон демонстрантите.
Демонстрантите застанаа на околу 150 метри пред зградата на Министерството за надворешни работи, при што 20-30 лица возвратија со камења.
Веднаш интервенираше полицијата при што ги раздвои двете групи.
Пред Министерството за надворешни работи демонстрантите им фрлаа и ружи на полицајците.
Сашко Димовски