„Вратете ги парите“, „Оставка“, „Готово е“, се само дел од транспарентите кои утринава осамнаа на струмичките палми. Ваквата герила акција доаѓа по четири недели протест и во овој град по одлуката на Иванов за колективна аболиција на 56 лица.
Граѓаните обединети под движењето #Протестирам бараат повлекување на одлуката за аболиција и оставка на претседателот Ѓорѓе Иванов, формирање на специјално одделение на Кривичниот суд за предметите на Специјалното јавно обвинителство, како и повлекување на одлуката за одржување на парламентарни избори на 5 јуни. Дел од барањата се и вклучување на граѓанското општество во решавање на кризата и формирање на преодна влада.
Освен протести, во повеќе градови низ земјава неделава може да се забележат и низа герила -акции со кои се упатува порака до власта.
Во продолжение погледнете ја фотогалеријата од денешната акција во Струмица.
