Германија во моментов не размислува да испорача ракети „Таурус“, со долг дострел во Украина, кои се способни да погодат цели на растојание до 500 километри, изјави германскиот министер за одбрана Борис Писториус за време на брифингот со украинскиот претседател Володимир Зеленски.
Писториус беше прашан дали Германија размислува за испраќање ракети „Таурус“ во Украина. „Ме прашавте дали го разгледуваме тоа, а мојот одговор е – не“, рече германскиот министер за одбрана.
Украина веќе добива ракети со долг дострел од Франција, Обединетото Кралство и Соединетите Американски Држави. Сепак, Германија засега останува воздржана во врска со таквите испораки.
Иако германскиот канцелар, Фридрих Мерц јавно го поддржа испраќањето ракети „Таурус“ во Украина, таквите испораки сè уште не се реализирани.