Германската полиција во местото Лаутерекен уапси две лица кај кои пронајде 155 килограми експлозив. Тие се обвинети за поседување експлозив и подготвување терористички напад.
Иако тие биле уапсени пред две недели, полицијата денеска ја објави информацијата.
Државното обвинителство сега ја проверува информацијата според која осумнаесетгодишниот имал врски со терористичката група „Олд скул сосајети“, објави „Шпигл“.
За време на сослушувањето, двајцата уапсени негирале дека планирале терористички напад, дека пронајдениот експлозив бил за приватна употреба, а себе се нарекоа „викенд пиротехничари“.
За време на претресот на семејниот стан на 18-годишното лице, полицијата пронајде експлозивна направа која тој самиот ја изработил, повеќе од 150 килограми експлозив, како и нео-нацистички симболи.
Вториот осомничен има 24 години и тој од претходно и е познат на полицијата поради кршење на законот за поседување експлозив. И кај него е пронајдена ултра-десничарска литература.