Пишува: Борјан Јовановски
Германската министерка за надворешни работи Аналена Баербок денеска ќе ја претстви како што се вели феминистичката ревизија на дипломатските тактики на земјата, вклучително и создавање на нова дипломатска функција „амбасадор на феминистичката надворешна политика“.
Предлогот содржи 10 насоки, вклучително и нудење родово чувствителна хуманитарна помош во странство; обезбедување на жените и маргинализираните групи вклучени во економските процеси; разгледување на родовите прашања поврзани со енергетската надворешна политика.
„Ние водиме феминистичка надворешна политика бидејќи тоа е неопходно затоа што мажите и жените сè уште не се еднакви ширум светот“, напиша Баербок во извештајот.
Министерството сака „мерливо да ја унапреди родовата еднаквост во светот“ така што „ сите луѓе се подеднакво застапени во сите области од животот и сите имаат еднаков пристап до ресурсите“, напиша Баербок во предговорот.
Таа додаде дека феминистичката надворешна политика „не е надворешна политика за жените, туку за сите членови на едно општество“, вклучувајќи ги и оние „маргинализирани од општеството врз основа на родов идентитет, потекло, религија, возраст, попреченост, сексуална ориентација или други причини. ”
Новата амбасадорска улога дополнително ќе ги развие насоките и ќе обезбеди нивна имплементација. На оваа функција и биде доделена и сопствена единица во министерството.
Концептот на феминистичка надворешна политика се практикува од други земји со години, при што Шведска стана првата што се обврза на таквите принципи во 2014 година. Следеа земји како Канада, Мексико и Шпанија, но новата шведска влада под централнодесничарскиот премиер Улф Кристерсон ја објави својата намера да го поништи концептот.
Членовите на главната опозициска група во Германија, конзервативниот блок ЦДУ/ЦСУ, се скептични.
Маркус Содер, регионалниот премиер на Баварија и шеф на опозициската демохристијанска ЦДУ, го нарече планот на Баербок „неразбирлив“, велејќи дека „патувањето низ светот и кажувањето на сите други што треба и што не треба да прават е осудено на неуспех“.