Новак Ѓоковиќ и Роџер Федерер со нови победнички чекори за доближување до меѓусебен судир во полуфиналето на Вимблдон. Двајцата тенисери не дозволија да останат подолго од три сета на терен во мечевите од второто коло на гренслемот во Лондон. Четвртиот светски рекет го порази Чехот Адам Павлашек со 6:2, 6:2, 6:1, а Швајцарецот го доби Душан Лајовиќ со 7:6, 6:3, 6:2.

„Првпат оваа година играв на теренот број 1 кој е поинаков од централниот. Не беше лесно бидејќи игравме под висока температура што прави проблеми особено при подолгата размена на удари какви што имавме доста во вториот сет. Од почеток успеав да наметнам свој ритам и план. Како одминува време се чувствувам сè подобро. Знам што треба да правам секој ден за да дојдам до вистинската форма и игра.

Нареден ривал на Ѓоковиќ ќе биде Ернест Гулбис, 589 тенисер во светот. Понесен од еуфоријата во неговата земја во последниот месец по успехот на Јелена Остапенко на Ролан Гарос, тој приреди сензација со триумф над Хуан Мартин дел Потро и тоа без загубен сет (6:4, 6:4, 7:6). Федерер, пак, во третото коло ќе игра против Михаил Зверев.

Елиминацијата на Дел Потро, сепак, не беше единственото изненадување на Вимблдон во четвртиот натпреварувачки ден. Настапот на машкиот турнир го завршија и Американците Џек Сок (17 носител) и Џон Изнер 23 носител).

Фото: wimbledon.com

Неочекувани резултати и на женскиот дел од турнирот. За најголемото се погрижи словачката тенисерка Магдалена Рибарикова која во три сета, со 3:6, 7:5, 6:2, ја совлада Каролина Плишкова, трета носителка меѓу девојките. Алисон Риске од САД, исто така во три сета, славеше над Кристина Младеновиќ (12 носителка).

Второто коло беше последно на Вимблдон 2017 за уште две носителки. Естонката Контавеит ја порази Касаткина од Русија (29) со убедливи 6:3, 6:2, а Роџерс со 7:6, 4:6, 6:3 ја „спакува“ Луси Сафарова.

Комплетни резултати на Вимблдон од натпреварувачки ден 4

МАЖИ, 2 КОЛО

Ѓоковиќ (2., Србија) – Павлашек (Чешка) 6:2, 6:2, 6:1

Федерер (3., Швајцарија) – Лајовиќ (Србија) 7:6, 6:3, 6:2

Раониќ (6., Канада) – Јужњи (Русија) 3:6, 7:6, 6:4, 7:5

Тим (8., Австрија) – Симон (Франција) 5:7, 6:4, 6:2, 6:4

А. Зверев (10., Германија) – Тифо (САД) 6:3, 6:4, 6:3

Бердих (11., Чешка) – Харисон (САД) 6:4, 6:3, 6:7, 6:3

Димитров (13., Бугарија) – Багдатис (Кипар) 6:3, 6:2, 6:1

Монфис (15., Франција) – Едмунд (В. Британија) 7:6, 6:4, 6:4

Офнер (Австрија) – Сок (17., САД) 6:3, 6:4, 3:6, 2:6, 6:2

Села (Израел) – Изнер (23., САД) 6:7, 7:6, 5:7, 7:6, 6:3

Рамос Винолас (25., Шпанија) – Рублев (Русија) 7:5, 6:7, 4:6, 6:3, 6:4

М. Зверев (27., Германија) – Кукушкин (Казахстан) 6:1, 6:2, 2:6, 3:6, 6:4

Гулбис (Летонија)  Дел Потро (29., Аргентина) 6:4, 6:4, 7:6

Доналдсон (САД) – Лоренци (Италија) 6:4, 7:6, 6:7, 6:2

Манарино (Франција) – Сугита (Јапонија) 6:1, 5:7, 4:6, 7:6, 6:2

Ферер (Шпанија) – Дарсис (Белгија) 3:0 – Дарсис го предаде мечот

ЖЕНИ, 2 КОЛО

Кербер (1., Германија) – Флипкенс (Белгија) 7:5, 7:5

Рибарикова (Словачка) – Ка. Плишкова (3., Чешка) 3:6, 7:5, 6:2

Возњацки (5., Данска) – Пиронкова (Бугарија) 6:3, 6:4

Кузнецова (7., Русија) – Макарова (Русија) 6:0, 7:5

А. Радванска (9., Полска) – Мекхејл (САД) 5:7, 7:6, 6:3

Риске (САД) – Младеновиќ (12., Франција) 2:6, 6:4, 6:4

Мугуруза (14., Шпанија) – Викмаер (Белгија) 6:2, 6:4

Башински (19., Швајцарија) – Кучова (Словачка) 6:1, 6:0

Вандевеј (24., САД) – Марија (Германија) 6:4, 6:2

Контавеит (Естонија) – Касаткина (29., Русија) 6:3, 6:2

Роџерс (САД) – Сафарова (32., Чешка) 7:6, 4:6, 6:3

Херцог (Словенија) – Лепченко (САД) 6:7, 6:2, 6:2

Дијаз (Казахстан) – А. Родионова (Австралија) 6:4, 7:6

Мартиќ (Хрватска) – Алертова (Чешка) 6:1, 6:4

Цуренко (Украина) – Голубиќ (Швајцарија) 6:1, 2:6, 6:3

Кирстеа (Романија) – Матек Сандс (САД) 4:6, 7:6 – Матек Сандс го предаде мечот