Шкупи ремизира против Пјуник во Ереван во првиот меч од првото квалификациско коло за Лига Европа, но чаирчани може да жалат што во реваншот во Скопје ќе влезат без предност. Второпласираниот тим во македонското првенство од минатата сезона одигра 3:3 против ерменскиот тим кон во 2007 година беше кобен за Победа во квалификациите за ЛШ, а лани и за Вардар во квалификациите за ЛЕ.
Пјуник поведе со гол од пенал во 4 минута на Варданјан на што Шкупи возврати со два до паузата (1:2). Капитенот Муарем Бајрами, по прекин, во 26. минута израмни на 1:1, а Дарко Илиески во 43. минута обезбеди предност за чаирчани. Бајрами во 60. минута, со втор гол од слободен удар, зголеми на 3:1, но чаирчани, сепак, не успеаја да ја сочуваат залихата до крај. Ја загубија во финишот на натпреварот во кој Жестоков во 80. минута намали на 3:2, а пет минути подоцна во листата на стрелци се допиша и Манучарјан.
Во моментот во Ереван, квалификациски меч за Лига Европа игра и Македонија Ѓ.П. против тимот на Алашкерт, а од 19. часот на арената „Тоше Проески“ во Скопје ќе игра и Академија Пандев против Зрињски од БиХ.