Вардар го доживеа првиот пораз на домашен терен во оваа сезона. Во последниот настап во СЦ „Јане Сандански“ во 2016 година, „црвено-црните“ загубија од Рајн Некар Левен со 26:29 (15:15) во меч од осмото коло во групата Б во Лигата на шампиони. Ларсен и Реинкинг постигнаа по седум гола за гостинската екипа, по шест за дадоа Кањељас и Борозан за домашната која и покрај конечниот минус беше поздравена од трибините и вратена на бис од соблекувалната.
„Прво полувреме добро, второ полошо. Не ги користевме нашите шанси и имавме проблеми со противничките напади со седум ракометари што беше случај и со Металург. Треба да обратиме внимание на тоа и да го решиме бидејќи и други екипи би можеле така против нас. Не успеавме да задржиме исто темпо во сите 60 минути, не реализиравме неколку контри и сето тоа нè чинеше пораз“, рече Раул Гонзалез по мечот.
Четири моменти го пресудија победникот во мечот. Рајн Некар Левен, кој и овојпат беше без Дејан Манасков, изненади со нападите седум на шест на што вардарци тешко се справуваа. Тоа резултираше со многу голови и постојано водство на германскиот состав во вториот дел. Вториот момент беше средниот Ларсен од кого не се очекуваше дотолку да се размавне кога веќе беа детектирани Баења и Шмид како потенцијална најголема опасност. Беше лидер во тимот заедно со Реинкинд.
Третиот се однесува на гостинскиот голман Микаел Апелгрен. Ако во Франкфурт не одбрани ништо, во Скопје фати 13 топки и еден пенал. И последниот е наменет за домашните чувари а мрежата кои немаат свој ден. Милиќ забележа пет интервенции, Штербик само две.
„Ова издание на Рајн Некар Левен не е изненадување за нас. Очекувавме тежок натпревар со силно темпо. Германската екипа е сепак квалитетна. Не успеавме да одговориме на нивните напади со седум играчи, па на крај и резултатот е таков како е“, изјави Стојанче Стоилов, кружниот напаѓач на Вардар.
Вардар – Рајн Некар Левен 26:29 (15:15)
СЦ „Јане Сандански“ во Скопје. Гледачи: 5.000. Судии: Вацлав Хорачек и Јири Новотни (двајцата од Чешка)
Вардар: Штербик (2 одбрани), Милиќ (5 одбрани), Стоилов, Фереира Мораес 2, Македа, Деревен, Карачиќ 1, Душебаев 4, Абутовиќ, Кањељас 6, Циндриќ 2, Чупиќ 1, Дибиров 3, Шишкарев, Борозан 6, Марсениќ 1. Тренер: Раул Гонзалез
Седремци: 2/3. Исклучувања: 2 минути
Рајн Некар Левен: Апелгрен (13 одбраи, 1 седмерец), Шмид 4, Сигурдсон 2, Баења 2, Стинхаузер 4, Ларсен 7, Пекелер 2, Гроцки, Абт, Реинкинд 7, Гвардиола 1, Петерсон, Екдал, Бауер. Тренер: Николај Јакобсен.
Седмерци: 1/1. Исклучувања: 8 минути