Градоначалникот на Перник: Чести се несреќите на оваа делница, една од најтешките во Бугарија

Автобусот скинал околу 50 метри од заштитната ограда, изјави градоначалникот на Перник, Станислав Владимиров пред новинарите во близина на местото на несреќата во која загинаа 46 лица.

Како што јави дописникот на МИА од Софија, според Владимиров, делницата е влажна, а причините за несреќата можат да бидат многу.

Патот е влажен. Овој дел има голема надолнина. Од вчера врне слаб дожд. Не може да се каже дали причината е лошото време, но причините може да бидат многу, рече Владимиров.

Според градоначалникот на Перник, на овој дел од патот често се случуваат несреќи. Оваа рута е една од најтешките во Бугарија, има огромна денивелација и голема концентрација на сообраќај.