На репликите и контра-репликите на пратениците од ВМРО-ДПМНЕ од собраниската говорница денеска се надоврза и Артан Груби од ДУИ, кој рече дека за пратениците од македонска националност да можат подобро да го разберат, ќе зборува на македонски јазик.
– ДУИ не се залага за кантонизација, за бинационалност или поделба на државата, им порача Груби на своите колеги во Законодваниот дом.
Адеми: Проблемот со коалицијата меѓу ВМРО-ДПМНЕ и ДУИ беше само СЈО
На прозивките од Илија Димовски и Антонио Милошоски за т.н „Тиранска Платформа“, Груби вели се работи за заедничка изјава на албанските лидери направена и потпишана во Скопје.
– Политичката декларација е направена во Скопје и таа е за европска Македонија за сите граѓани. Сите точки од декларацијата се од програмите на партиите на Албанците и таа на ниеден начин не задира во унитарноста на државата, кантонизација или федерализација, рече пратеникот Груби.
Во исто време потсети дека дебатата за државните симболи ја отвориле македонските партии во 2014-та година, прво во Владата, а потоа и во Собранието.