Пратеникот од ДУИ Артан Груби вели дека кризата мора да се реши веднаш „затоа што целото општество е веќе преуморно од отсутноста на нормалноста, стабилноста, сигурноста, мирот, од немањето можност за развивање на бизнис, на отварање на нови работни места и развој на економијата, но и од секојдневната можност за судири и насилство“.
Груби, кој воедно е и шеф на Кабинет на лидерот на ДУИ Ахмети, ова го напиша на Фејсбук профилот.
– Во крајна инстанца и во било кои околности, кризата ќе заврши преку одржување на слободни, демократски и кредибилни избори на кои граѓаните ќе имаат можност да се изјаснат и да ја ориентираат иднината на земјата, смета тој.
– Аболицираните од Иванов треба ведаш да побараат од него да ја повлече одлуката, а тој самиот мора да најде правен начин за итно повлекување на одлуката која што беспотребно ја искомпликува ситуацијата уште повеќе, но и поттикна бранови на протести.
Државната изборна комисија, како независна институција составена и од експерти, треба да продолжи со работата за прочистување на избирачкиот список без никакво влијание од политичките партии и ги канам граѓаните да дадат свој удел во овој процес при јавниот увид во избирачкиот список.
Секое заплашување на гласачите мора да се санкционира веднаш и ги повикувам граѓаните и јавната и државната администрација веднаш и јавно да ги укажат сите обиди за изборни заплашувања.
Медиумите исто така имаат можност да дадат огромен придонес во враќањето на нормалноста преку правично известување без заземање страни и придонесувајќи кон конструктивна атмосфера преку коректни прилози и еднаква вклученост на сите страни.
Специјалното обвинителство треба да продолжи со својата транспарентна работа, без партиски политички, етнички, верски ниту групни влијаниа, но во согласност со законот и владеењето на правото заедно со подршка од сите нас, вели Груби.