Западната политика во еден момент се откажа од досегашниот рамноправен третман на шестте западно – балкански земји со иста идеја – да им се помогне на сите да ја достигнат европската иднина и на тој начин да го надминат запирањето на развојот – и премина на нова политика за контрола на Западен Балкан преку најголемите земји. Преку Србија и преку Албанија.
Би рекол, скоро до најмали детали, дека се повторува сценариото од 90-те години. Србите се загрозени, за Србија да се прогласи за заштитник и да почне да го преуредува регионот. Тука се плашам дека западната политика им дала поддршка за тие намери. Ми се чини дека западната политика во еден момент се откажа од досегашниот рамноправен третман на шестте западно – балкански земји со иста идеја – да им се помогне на сите да ја достигнат европската иднина и на тој начин да го надминат запирањето на развојот – и премина на нова политика за контрола на Западен Балкан преку најголемите земји. Преку Србија и преку Албанија, рече Ѓукановиќ во интервју за AlJazeera.
Поранешниот претседател на Црна Гора изјави дека проектот „Отворен Балкан“ всушност бил обид за институционализација на доминацијата на Србија и Албанија на Западниот Балкан.
На моите предупредувања до креаторите на тој проект дека тоа ќе води кон обновување на национализмот, тие ме уверуваа дека тоа не може да се случи бидејќи е под нивна контрола. Јас ги предупредив дека во 90-те години имавме, би рекол, многу посериозни политички формати на политичката сцена на Југославија кои си играа со национализмот, а потоа тоа им излезе од контрола. Мислам дека со ваквата политика на Западот всушност се отвара пат за преуредување на Западен Балкан на принципите на етноцентризмот. Значи, наместо рамноправен третман на шесте држави, ситуацијата на Западниот Балкан да се контролира преку некои најважни држави и политички центри и нивното партнерство со Соединетите Американски Држави, заклучи Ѓукановиќ.