Луис Хамилтон ја завери четвртата шампионска титула во Формула 1 шампионатот во кариерата. Британецот имаше судир со Фетел во раната фаза од трката за ГН на Мексико, мораше рано во бокс, заостануваше и 40 секунди, на крајот заврши како деветти што, сепак, беше доволно за славеничка атмосфера во тимот на Мерцедес иако му беше потребен само еден пласман во топ пет на две станици до крај на сезоната. Но, се покажа дека и со помалку бодови ќе го наследи Нико Розберг на тронот. Победата на автодромот „Браќа Родригез“ крај Мексико Сити ја однесе Макс Ферстапен (1:36,26,552 часа), втор беше Валтери Ботас (+19,678 сек.), трет низ целта мина Кими Раиконен (+54,007 сек.). Германецот Себастијан Фетел, кој тргна од пол-позицијата, заврши како четврти (+70,078 сек.).
„Да живее Мексико. Благодарност до сите кои дојдоа. Се надевам дека уживаа во трката. Овдешните навивачи се едни од најдобрите во светот. Прават навистина неверојатна атмосфера. Добро стартував меѓутоа не знам што се случи во третот свиок. Му овозможив доста простор на Фетел, а на крајот се заврши нестварно. Не сакав ваква трка. Заостанував 40 секунди, но не се откажав. Тоа ми е најважно и тоа ми лежи на срце. Мерцедес е неверојатен во последните пет години“, истакна меѓудругото Хамилтон по настапот во Мексико.
Хамилтон има недостижни 56 бода предност пред Фетел во пресрет на последните две трки за 2017 година во Бразил и во Абу Даби. Новиот владетел во „летечкиот циркус“ викендот стана и најуспешен Британец во историјата на натпреварувањето надминувајќи го Џеки Сјуарт и се израмни со Французинот Алан Прост на вечната листа. Една титула повеќе од нив има легендарниот Хуан Мануел Фанџо (пет), рекордер е Михаел Шумахер со седум.
Трофејот за конктруктори ќе заврши во витрините на тимот на Мерцедес кој минатата недела во Остин, САД, го одбрани тронот.
Наредната Ф1 трка, претпоследна за 2017 година, ќе се вози во Сао Паоло (10-12 ноември) за ГН на Бразил.
Резултати од трката за ГН на Мексико
Макс Ферстапен (Холандија/Ред Бул) 1:36,26,552 часа
Валтери Ботас (Финска/Мерцедес) +19,678 сек.
Кими Раиконен (Финска/Ферари) +54,007 сек.
Себастијан Фетел (Германија/Ферари) +70,078 сек.
Естебан Окон (Франција/Форс Индија) +1 круг
Ленс Строл (Канада/Вилијамс Мерцедес) +1 круг
Серхио Перез (Мексико/Форс Индија) +1 круг
Кевин Магнусен (Данска/Хас Ферари) +1 круг
Луис Хамилтон (В. Британија/Мерцедес) +1 круг
Фернандо Алонсо (Шпанија/Мекларен Хонда) +1 круг, итн.
Генерален пласман кај возачи
Луис Хамилтон (В. Британија) 333 бода
Себастијан Фетел (Германија) 277
Валтери Ботас (Финска) 262
Даниел Рикардо (Австралија) 192
Кими Раиконен (Финска) 178
Макс Ферстапен (Холандија) 148
Серхио Перез (Мексико) 92
Естебан Окон (Франција) 83
Карлос Сајнц Јр. (Шпанија) 54
Ленс Строл (Канада) 40, итн.
Генерален пласман кај конструктори
Мерцедес 595 бода
Ферари 455
Ред Бул 340
Форс Индија 175
Вилијамс Мерцедес 76
Торо Росо 53
Рено 48
Хас Ферари 47
Мекларен Хонда 24
Заубер Ферари 5