Европската комисија ги повикува владите на земјите членки на ЕУ да размислат за промена во односите со Турција по референдумот во оваа земја, што го отвори патот за пошироки права на претседателот на земјата, пренесуваат британските медиуми.
Еврокомесарот за проширување и соседска политика Јоханес Хан, од министрите за надворешни работи на земјите членки на ЕУ средбата на Малта побара да размислат за нов формат на односи со Турција.
„Сегашната ситуација не е оддржлива“, посочи Хан, според кого треба да се најде формула која ќе го намали взаемното незадоволство и ќе ја засили соработката.
Еврокомесарот додаде дека ја споделува загриженоста на Советот на Европа, според кого, уставните измени на Ердоган се „опасен чекор назад“ за турската демократија.
Хан истакна дека какви и да бидат односите меѓу ЕУ и Турција, вклучувајќи ги и економските, почитувањето на владеењето на законот ќе остане од суштинско значење.