Американскиот амбасадор во Србија, Кристофер Хил, денеска во Ниш изјави дека не гледа можност за воено решение на ситуацијата на северот на Косово, како и дека е неопходно таму да се изгради мир и стабилност, што може да се постигнато со формирањето на Заедницата на српските општини.

„Се разбира, Владата на Србија има право да му се обрати на КФОР, но ова останува политичко прашање и затоа бара политичко решение. Треба да ја смириме ситуацијата, за припадниците на српската заедница кои живеат во таа област да имаат јасни очекувања за тоа како ќе изгледаат нивните животи во иднина“, рече Хил.

Во обраќањето пред медиумите во Ниш, каде што се сретна со градоначалникот Драгана Сотировски, американскиот амбасадор рече дека „ќе се реализира создавањето на Заедницата на српските општини“.

„Како што вчера јасно кажа г-дин Ескобар, ќе дојде до тоа. Создавањето на ЗСО ќе создаде услови за враќање во нормала, преку кое ќе може да се воспостави мир и стабилност во областа каде што овие луѓе живеат со векови, а тоа е она што навистина сите го посакуваат“, рече амбасадорот Хил.

Во рамки на посетата на Ниш, Хил ги посети реновираниот Центар за обезбедување социјална заштита „Мара“ и Правниот факултет на Универзитетот во Ниш.