„Овој собир не е да покажеме колку е силна БЕСА во Тетово, за тоа нема дискусија. Овој собир е за одговор на прашањето зошто не, а зошто ДУИ во опозиција“, истакна шефот на изборниот штаб на Движењето БЕСА, Аријанит Хоџа.
„Додека ние зборуваме за животен стандард, тие зборуваат за историја и за фолклор. Не заборавајте, последен што зборуваше за историја беше Никола Груевски, а знаеме каде тој заврши“, посочи Хоџа.
Хоџа ја коментираше и идејата за премиер Албанец што ја лансира ДУИ и за кандидат за функцијата го предложи Насер Зибери.
„Осумнаесет години не успеаја да изградат кадар за премиер, па го најдоа оној што ја заврши кариерата во политиката кога се појави ДУИ“, истакна Хоџа.
Ова е историска шанса, рече тој, преку полно партнерство меѓу Албанците, Македонците и сите други заедници да ја изградиме иднината, индината младите да ја најдат тука. На собирот беше прочитано писмо со поддрша и од Сојузот на албанската дијаспора.
„Правото на глас е уставно право. Излезете и гласајте за БЕСА, ќе се факторизира за решавање на проблемите на Албанците оставени настрана со години“, се вели во писмото на Сојузот на албанската дијаспора.