Холандија планира да воспостави прекуокеански фонд за абортусот како реакција на одлуката на новиот американски претседател Доналд Трамп со којашто го забрани финасирањето на меѓународоните организации кои ги информираат жените за нивното право на абортус.

Министерката за меѓународна трговија и соработка  за развој, Лилиан Плоумент, најави дека таа планира да основа ваков меѓународен фонд којшто ќе финансира проекти кои ќе овозможат пристап до едукација на жените во оваа сфера во земјите во развој.

Министерката рече дека овој план е реакција на екстензивниот меморандум потпишан од Трамп кој што забранува пристап до информации за абортусот на жени кои примаат помош од меѓународните организации кои делуваат во ова поле.

Ова беше еден од првите укази кои ги потпиша Трамп по инаугурацијата минатата недела. Овој указ забранува финансирање од САД за било кои меѓународни организации кои на жентие им даваат информации за нивното право на абортус.
Холандската влада смета дека нивната идеја за ваков фонд ќе наиде на поддршка и кај други влади, бизнисмени и фондации кои се загрижени од акциите на Трамп и веруват дека на овој начин можат да ги компензираат финансиските последици од тие акции колку што можат.

Ова ќе има далекусежни последици. Како прво, врз жените кои имаат право на избор за дете, но и врз нивните семесјтва и деца и општеството како целина. Да се забранува абортус не води кон помалку абортуси туку кон повеќе неодговорни и нелегални абортуси со здравствени и смртни последици, рече министерката.