Кина ги предупреди младите активисти од Чадор-револуцијата во Хонг Конг, кои на последните изборите добија шест пратенички места, дека секој кој ќе лобира за независност ќе биде казнет, пренесуваат државните медиуми.
Според младиот политичар Нејтан Ло, кој е еден од избраните во Парламентот (ЛегКо), многумина од Хонг Конг бараат независност, загрижени од интервенциите на Пекинг во Хонг Конг.
Ова предупредување од Пекинг доаѓа бидеји про-демократите имаат 1/3 во Парламентот и можат да стават вето на поголеми уставни промени во Парламентот во кој и понатаму мнозинството се про-Кина ориентирани политичари.
Владата на Кина е цврста на ставот дека е против поголема независност на автономната територија а Канцеларијата на Кина задолжена за Хонг Конг и Макау побара од администрацијата да ги казнува сите баратели на целосна независност според законите.