„Ја користиме приликата да апелираме до сите пратеници да не го гласаат законот за административни службеници и да порачаме дека секој пратеник кој ќе гласа ваков потценувачки закон ќе го сметаме дека е против работниците и нас како синдикат“, изјавија од прес – конференцијата свикана по повод неусогласувањето на платите во јавниот сектор од Конфедерацијата на слободните и граѓански синдикати при КСС.
„На 30 март дел од граѓанските синдикати и КСС излегоа на предупредувачки протест, тие се крајно разочарани и се чувстуваат манипулирани од односот на Владата кон работниците. Денеска дознаваме дека законот за административни службеници е на пленарна седница, закон кој е потценувачки и се надеваме дека денеска нема да биде изгласан за да се покачат платите од 100 до 200 или 300 денари, вели Благоја Ралповски, претседател на КСС.
Како што потенцира, доколку до 26 април до 12 часот владата не се одзве на нивните барања тие ќе излезат на улица да ги бараат нивните права.
„Секој ден од 16 пред собранието до 17 пред Владата ќе ги бараме нашите права затоа што членството е разочарано и во делот на примањата на минималната плата. Доколку денеска се донесе законот, тоа значи дека Владата е против работниците и се извршува манипулација. Решението е едноставно, покачување на платите, појаснува Ралповски.
Ќе протестираат по 16 часот затоа што како што велат, прекинот на работното време е комплициран.
„Очекуваме поддршка, секој граѓанин што ќе дојде е добредојден, веруваме дека ке има доволен број на протестирачи за да овие протести вродат со плод. Сите стоиме позади Синдикатот за образование, наука и култура, им помагаме логистички, имаме и поддршка од нив, завршува претседателот на КСС.