Илон Маск ги демантираше информациите дека разговарал со Владимир Путин пред да објави анкета на Твитер со неговите предлози за ставање крај на руската инвазија на Украина.
Иан Бремер, шеф на консултантската компанија за политички ризици Евроазија Груп, тврди дека Маск лично му кажал за разговорот со Путин.
Бремер напиша дека Маск му рекол дека рускиот претседател е „подготвен да преговара“, но само ако Крим остане под руска контрола, ако Украина прифати форма на постојана неутралност и ако Киев ја признае руската анексија на Луганск и Доњецк, Керсон и Запорожје.
Бремер рече и дека шефот на SpaceX му рекол дека Путин рекол дека овие цели ќе бидат остварени „без разлика на се“ и дека постои потенцијал за нуклеарен напад доколку Украина го нападне Крим.
Но, Маск негира дека се одржал таков разговор.
„Разговарав со Путин само еднаш и тоа беше пред околу 18 месеци. Темата беше вселената“, напиша Маск на Твитер.
Минатата недела, извршниот директор на Тесла побара од своите 107,7 милиони следбеници да гласаат за начините за решавање на војната во Украина.
Извор: Би-Би-Си