Илјадници Индијци станаа жртва на голема измама поврзана со лажна вакцина, а меѓу уапсените има и лекари и други медицински работници, пренесува Си-Ен-Ен.
На најмалку 12 локации во Мумбаи, медицинските работници аплицирале физиолошки раствор, изјавија локални полициски службеници.
„Се проценува дека 2.500 луѓе примиле лажна вакцина. Организаторите заработиле вкупно 28.000 американски долари од лажните вакцини”, рече Такур. Досега се уапсени 14 лица, меѓу кои и лекари, а се очекуваат уште апсења.
Индија беше силно погодена од вториот бран на коронавирусот, помеѓу април и почетокот на јуни, кога се заразија милиони, а починаа десетици илјади низ целата земја.
По пикот од мај бројот на дневни случаи започна да се намалува, а воедно се намали и притисокот врз здравствениот систем, па властите успешно ја засилија својата програма за вакцинација.
Споменатиот случај на „вакцинација“ со физиолошки раствор се одвивал од крајот на мај и почетокот на јуни. Властите започнале истрага откако поединци се сомневале во врска со сертификатите за вакцинација.
„Никој од нас немаше никакви реакции од вакцината, за која исто така моравме да платиме во готово. Во тој момент, тргна сомнежот“, изјавил за локалните медиуми еден од измамените.