Обвинетата Т.М со џебно ноже ја избодела М.М.(31) на денешното рочиште во Основниот суд во Врање, пишува Блиц.
Постапката меѓу двете жени трае од 2021 година, поради нанесување лесни телесни повреди – вели изворот. Детекторот за метал на влезот во судот не го детектирал џебното ноже кое обвинетата го внела во судот и подоцна го искористила .
Ќе се истражува дали имало пропусти во работата на судскиот стражар – додава изворот и наведува дека доколку има пропуст, одговорните ќе бидат санкционирани.
Од полициското одделение во Врање за Курир потврдија дека околу 14 часот и 30 минути полицијата била известена дека во судницата на Основниот суд имало инцидент во кој една жена повредила друга жена.
Се работи за две страни во постапката. Полицијата е на терен и се утврдуваат околностите под кои се случил инцидентот. Во тек е понатамошна работа на полицијата и надлежните органи.
Полицијата веднаш ја привела осомничената, а повредената е пренесена со возило на Брзата помош. Како што дознава Курир, жртвата не е во животна опасност, има расекотина во пределот на десната надлактица. Моментално е на Хирургија каде се санира повредата, изјави дежурниот лекар од Ургентното одделение на ЗЦ Врање.