Претседателот на иранскиот парламент, Мохамед Багер Галибаф, ја даде својата прва официјална изјава по завршувањето на преговорите одржани во Исламабад..
Во серија објави на социјалната мрежа Икс, тој рече дека спротивната страна не успеала да ја добие довербата на иранската делегација.
Галибаф рече дека ја разјаснил позицијата на Иран уште пред почетокот на разговорите.
Пред да започнат разговорите, нагласив дека имаме потребна добра волја и намера, но дека поради искуствата од двете претходни војни, не ѝ веруваме на другата страна, напиша тој.
Спротивната страна на крајот не успеа да ја добие довербата на иранската делегација во оваа рунда разговори, додаде Галибаф.
Тој, исто така, им се заблагодари на домаќините. „Благодарен сум за напорите на нашата пријателска и братска земја, Пакистан, која го олесни процесот на овие преговори и им испраќам поздрави на народот на Пакистан“, заклучи тој.