Италија денеска гласа на референдум за уставните реформи. Со референдумот ќе се утврди политичката иднина на премиерот Матео Ренци и силното влијание на финансиските пазари во Европа. Гласачките места се отворени од седум часот изутрина, а право на глас имаат околу 51 милиони Италијанци.
Италијанскиот премиер Матео Ренци вчера ги повика Италијанците да го поддржат клучниот референдум за уставни промени што се одржува денеска, за Италија да може да стане, како што рече, најсилната европска земја.
-Оваа недела може да го промени животот на нашите деца. Не сме во прашање ниту ја, ниту партијата, туку децата изјави Ренци обраќајќи се на голем собир во родната Фиренца, воочи денешниот референдум кој би можел од корен да ја промени неговата кариера.
Ренци упатувајќи го последниот апел до Италијанците нагласи дека победата на приврзаниците на неговиот предлог за реформи, би им пружил на Италијанците можност да испишат нова страница во историјата.
-Ако победи „да“, Италија ќе стане лидер во Европа., истакна премиерот кој вети дека веднаш ќе стави вето на буџетот на ЕУ за да ги присили италијанските партнери на неговата земја повеќе да и помогнат во решавањето на проблемот со приливот на мигранти кои пристигнуваат на италијанскиот брег.
Финансиските пазари и европските политички лидери стравуваат дека победата на опозицискиот табор кој е против уставните реформи на референдумот утре би можела да предизвика нестабилност и повторни превирања за италијанските банки, воведувајќи ја еврозоната повторно во криза.
Ренци вети дека ќе поднесе оставка доколку неговите сонародници го отфрлат неговиот предлог за намалување на улогата на горниот дом на Парламентот –Сенатот и овластувањата на регионалните власти, додека опозицијата тврди дека реформата би ја намалила клучната демократска контрола.