Published: Monday, January 16, 2017 00:57
Инцидент што за среќа мина без жртви и повредени се случи за време на флорбол (вид на хокеј) во натпревар во Чешка. Додека играчите беа на терен попушти кровната конструкција на нова сала во Чешка Требова, гратче во регионот Пардубице на истокот на земјата.
„Во еден момент почна чудно крцкање, а потоа и чудна бучава. Се слушнаа и силни удари на лим и дрвените носачи на кровот почнаа да паѓаат“, рече еден од тренерите на младите чешки флорболисти.
Двете екипи, стручните штабови и официјалните лица на натпреварот навреме го напуштија теренот, веднаш се стрчаа кон соблекувалните и беше избегната трагедија од пошироки размери.