ЈАВА ЊУЗ: Вака така, Русија ќе биде тука

„Не се знае колку Русија ќе го цени движењето на ПД и ПЛ во овие диви ситуации кога „светот е во војна“. Москва ги очекува „силните“ протести на 6 декември против присуството на ЕУ во Тирана. Од тоа зависи дали Москва ќе го задржи истиот став кон проруската опозиција, или ќе покаже нервоза.

Но, едно е сосема сигурно: и да победи или изгуби прорусизмот во Албанија (вака – така), Русија сепак ќе биде присутна покрај опозицијата овде.“, пишува Фрок Чупи во колумната „Вака така, Русија ќе биде тука“.

ШЕЊА: Државата во сиромаштија, властодршците сити!

„Веројатно ова се случува само во Северна Македонија, во другите европски земји да нема шанси, некои институции, како државните агенции, јавните претпријатија и регулаторните тела или тела да имаат многу повисоки просечни плати од таа на премиерот, претседателот, спикерот на Собранието или на пратеник избран од народот! Овие плати, за нивните лидери, како што може да се забележи, се многу поголеми од оние на „главниот“ на државата.“, пишува Сефер Тахири во колумната “Државата во сиромаштија, властодршците сити!“ за Шења.

БАЛКАН ВЕБ: Скандал со аферата од 2 милијарди евра- компанија отвора луксузна канцеларија за продажба на станови во пристаништето Драч без проектот да биде одобрен во парламентот

„Во пристаништето Драч, кое опозицијата го оквалификува како еден од најкоруптивните проекти во Европа, веќе една година е отворена луксузна канцеларија, која ги запознава заинтересираните за проектот и становите што ќе се продаваат.

Отворањето канцеларии за продажба на станови во пристаништето во Драч, како да подразбира дека гласањето на проектот од  страна на пратениците на седницата има формална вредност, дека е однапред одредено од премиерот Еди Рама и дека законодавците социјалисти едноставно ќе го подигнат зелениот картон, без прашање дали овој проект е, или не од јавен интерес.“, се наведува меѓу другото во истражувачкиот новинарски текст на Балкан Веб, под насловот „Скандал со аферата од 2 милијарди евра- компанија отвора луксузна канцеларија за продажба на станови во пристаништето Драч без проектот да биде одобрен во парламентот“.

Д. Тахири

Извор/Цивил медиа