Published: Saturday, December 21, 2019 10:08
Демократската Унија за Интеграција (ДУИ) денеска го одржува својот четврти изборен Конгрес. Меѓу точките на дневниот ред се избор на Претседател на партијата, т.н. Конгрес на постојаноста во кој ќе влезат една третина од делегатите, партиска Изборна Комисија, како и Национален Совет што ќе биде составен од еминентни личности од јавниот живот во земјата и странство.
Ќе се усвојат и статутарни промени со сите нови органи, вклучително и Секретар за еднакви можности и пет Резолуции како програмски приоритети: консенсуална интеграција, ветинг, квалитетен живот, развој и работни места и младите на прво место, како и Декларација за нашите вредности.
Конгресот на интергративците е со почеток во 16 часот во СРЦ „Кале” во Скопје.