НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Избори 2020: Кампањата на средина, реториката се вжештува

0
By Нова ТВ on July 4, 2020 ВЕСТИ
СПОДЕЛИ
Facebook Twitter LinkedIn Email

Кампањата за предвремените парламентарни избори на 15 јули е на средина, а партиите ја вжештуваат дебатата за економијата, за правната држава и за корупцијата. Промоцијата на изборните програми продолжува и денеска, на средби со граѓани во помал формат, согласно здравствените протоколи.

СДСМ и коалицијата „Можеме“ денеска е во Крива Паланка и во Дебар, а ВМРО-ДПМНЕ и коалицијата за „Обнова на Македонија“ ќе бидат во посета на Петровец, на Илинден, во Центар и во Кисела Вода.

ДУИ и нивниот кандидат за премиер Насер Зибери ќе ја претстават програмата пред граѓаните во Тетово. Предизборниот караван на политичката платформа „Македонски концепт“ ќе биде во посета на Македонски Брод, на Крушево, на Демир Хисар и на Ресен, додека „Левица“ ќе биде во Гевгелија, а „Единствена Македонија и коалицијата „Никогаш северна, само Македонија“ во Прилеп.

Лидерот на СДСМ, Зоран Заев, вчера од општина Гази Баба, порача дека времето на национализам и лажен патриотизам е завршено.

„Најголем патриот е оној кој носи храбри одлуки за иднината. Стратешката цел за членството во НАТО и почеток на преговорите со ЕУ ја остваривме. Во преговарачката рамка не случајно е напишано сите акти да се преведат на македонски јазик, на македонски не на северџански, како што оние од ВМРО-ДПМНЕ ни го навредуваат јазикот. Прво тоа е признавање, по не знам кој пат, од ЕУ на нашиот македонски јазик“, изјави Заев.

Лидерот на опозициската ВМРО-ДПМНЕ, Христијан Мицкоски, вчера од општина Карпош, порача дека тоа што ги прави поразлични од своите политички противници е љубовта кон својата држава.

„Ја чувствувам енергијата на промени, дека народот сака овојпат да си ја врати државата, која му беше киднапирана“, изјави Мицкоски, потсетувајќи дека македонскиот народ секогаш се исправувал и победувал и против потешки противници и пред поголеми предизвици.

Претседателот на Демократската унија за интеграција (ДУИ), Али Ахмети вчера заедно со првиот албански кандидат за премиер, Насер Зибери одржаа собир кај Камениот мост во Скопје, од каде порачаа дека кандидатурата за премиер Албанец ќе ја зајакне стабилноста и безбедноста на земјата, а ќе има и позитивно влијание врз економијата.

Тие со обединувачка порака ги повикаа граѓаните за рушење на идеолошките и националистички ѕидови што ги делат народите и за обединување на сите кои веруваат во идеологијата „Еднаква земја“ за сите, да дејствуваат за доброто на земјата и на сите граѓани.

 

Карванот на Коалицијата „Никогаш северна, само Македонија“ и претседателот на политичката партија „Единствена Македонија“, Јанко Бачев вчера во Куманово порача дека ќе ги поништат антимакедонските договори, фалсификуваниот попис од 2002 година и ќе спроведат попис.

Тој ги обвини двете најголеми партии дека го рушат македонскиот народ и дека изборите се на некој начин референдум на кој граѓаните одбираат дали ќе се врати државата на изворните илинденски и асномски принципи.

Претседателот на Алијансата за Албанците, Зијадин Села, вчера од општина Теарце, најави инвестиции од 500 милиони евра само за албанските населби.

„Нашата политика е поврзана со проблемите, проблемите на Албанците, каде и да се. Во нашата програма се предвидени 500 милиони евра инвестиции за четири години власт, директно за ревитализација на албанските населби“, истакна Села.

Петар Богојески од „Македонски концепт“, од општина Аеродром, вчера порача дека граѓаните сакаат промени и тоа промени кои ќе донесат подобар, достоинствен живот за нив и нивните најблиски.

„Гласот за 10-ка е глас за промена, глас за одговарање за неисполнување на политички ветувања, за следење на имотот на политичарите, за пратеници кои ќе работат волонтерски, а не за плата, за проектот 1,5 милијарди евра за обештетување на граѓаните од процесот на транзиција. Да почнеме да ги менуваме нештата на подобро и да ја вратиме државата во рацете на граѓаните“, порача Богојески.

Избори 2020 кампања партии Реторика
Share. Facebook Twitter LinkedIn Email
ТИКЕР

Волстрит џурнал: Пентагон не и дава на Украина да користи оружје со долг дострел против Русија

August 24, 2025

Норвешка ќе и испорача на Украина ПВО системи во вредност од скоро 700 милиони долари

August 24, 2025

Трета недела по ред доларот лизга удолу

August 24, 2025

Нови собири низ Србија на „Граѓани против блокадите“

August 24, 2025

Железничкиот сообраќај во Црна Гора во прекин поради штрајк на диспечерите

August 23, 2025
ФОКУС

Украински напад со беспилотни летала врз Санкт Петербург

ВЕСТИ August 24, 2025

Санкт Петербург и Ленинградската област вчера беа цел на напади со беспилотни летала, што предизвика…

Пекинг: Кина е подготвена да испрати војници во Украина, но само под мандат на ОН

August 24, 2025

Нетанјаху: Израел ќе ја освои Газа без разлика дали Хамас ќе ги ослободи заложниците

August 21, 2025

Пентагон: Сценарија за Украина ќе бидат презентирани на европските советници за национална безбедност

August 21, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.