Кампања со јавен превоз и одење од врата на врата со држење на дистанца и задолжително носење на заштитни маски. На гласачките места, носење на заштитна маска, држење на физичка дистанца, дезинфекција на рацете и проветрување на просториите. Гласачите во редица, еден по еден, од надвор да чекаат ред за да можат да гласаат. При влегување во гласачките места за да го дадат својот глас, ги дезинфицираат рацете и на кратко ја симнуваат маската. Во вакви услови ќе се одвиваат изборниот процес, внатре во изборачките места, информира министерот за здравство Венко Филипче на денешната прес конференција.
Комисијата за заразни болести изработи Протокол за целокупниот изборен процес од предизборните активности до денот на гласањето. Министерот Филипче изјави дека протоколот е подготвен на барање на претседателот Стево Пендаровски, протоколот бил прифатен од сите членови на Комисијата и сите партии мора да го почитуваат. Филипче очекува сите политички субјекти да ги почитуваат одредбите од Протоколот.
„Протoколот беше поддржан од сите членови на Комисијата за заразни болести и мора да се почитува без исклучоци. Сите лидери на лидерската средба кај претседателот Пендаровски се изјасниле дека здравјето на граѓаните е на прво место и очекувам сите да го почитуваат Протоколот“, рече Филипче на денешната прес-конференција во Владата.
Протоколот ќе биде доставен до претседателот на државата Стево Пендаровски и до премиерот Оливер Спасовски. Филипче рече дека протоколот произлегува до генераните препораки, а предвидува мерки и ограничувања, активности, движењата на собирите и на крај протоколот за денот на гласањето.
Генералните правила и сите активности треба да се одвиваат, почитувајќи ја физичката дистанца од 2 метра, задолжителна маска на устата и носот и и често миење на рацете, рече Филипче.
„Партиските активности по можност да бидат на отворено, доколку се во просторија тоа да не биде подолго од 2 часа. Мобилните пунктови да не бидат за собирање на луѓе, тие што ќе бидат на пунктовите, да се по двајца и да бидат со заштитна опрема. Партиските активности со јавен превоз да бидат со маски внатре и да се врши дезинфекција во автобусите. На денот на изборите сите да носат заштитни маски и да проветруваат секој час во просториите, да се врши дезинфекција, гласачите ќе чекаат ред на дистанца, внатре при влегување задолжтелна е дезинфекција на рацете, потоа на кратко ја симнуваат маската заради идентификација, ги дезинфицираат рацете и по излегување од гласачкото место“, изјави министерот Филипче.
Тој рече дека при одржување на било кои собири треба да се почитуваат овие мерки, на отворен или затворен простор и кај помал број на учесници во кампњата, дисциплината да се одржува со користење на разгласни уреди.
„Кампањата од врата на врата да биде со дистанца, да не се влегува внатре туку исклучиво на врата или во дворовите. Мерките за изборите се врз основа на препораките, ќе има собири колку што еден простор собира, со дистанца меѓу луѓето, а кампањата од врата на врата е како што сега комуницираат луѓето, со оддалеченост. Со ништо не отстапува кампањата од мерките и препораките, ќе има мерки за озвучување за да се предупредуваат да држат дистанца. Се е согласно правилата и протоколите и ништо не отстапува од препораките. Апсолутно се земавме во предвид и врз основа на тие протоколи мора да се почитува се“, рече Филипче.
Тој ги наброја факторите кои може да влијаат на влошување на состојбата, а тоа се отворање на границите, влез на странци во државата, почеток на школската година, епидемии на сезонски грип.